174311190281503_o copy

پەتای گەندەڵی

عیرفان عەلی عبدالعزیز

بەشی یەكەم

گەندەڵی وەك پەتایەكی كۆمەڵایەتی بەدرێژایی مێژووی مرۆڤ بوونی هە‌بووەو ئەویش لە بەرئەنجامی بەرهەمی ئەو پەیوەندییە كۆمەڵایەتییە نا تەندروستەی مرۆڤدا هاتۆتە ئاراوە‌و خۆی خزاندوەتە هەموو بوارەكانی ژیان چ (رۆحی_سیاسی_فەرهەنگی_كۆمەڵایەتی) تا وایلێهاتوە كۆمەلگا بووەتە دوو جەمسەر، چینی زۆرداران‌و چینی هەژارو چەوساوەو زۆرینەی خەڵكی بێدەرەتان. زەڕو زۆرداران بە زەبری ئەو هێزە ماددیەی كە بەدەستیانەوە بووە توانیویانە دەسەڵاتی خۆیان بەسەر كۆمەڵگادا بسەپێنن، زۆرینەی خەڵك بۆ مەرامی خۆیان بەكاربهێنن. لە مێژووی مرۆڤایەتیشدا، زەوی خاڵی نەبووە لە كەسانی پاكو بێگەرد كە ئامادەی هەموو گیان فیداكاریەك بوون بۆ گێرانەوەی مرۆڤ بۆ فیترەتە پاكەكەی خۆی وە بۆ بە گژداچونەوەی زاڵمان، تەنانەت ئەگەر باجەكەشی بەخت كردنی گیانی خۆیان بووبێت، لێرەدا پێغەمبەران‌و پیاوچاكان نمونەی هەرە جوانی مرۆڤایەتین كە لەپێناو ئازادكردنی مرۆڤەكاندا ئامادەبوون گیانی خۆیان بەخت بكەن وەك لە قورئاندا هاتووە ( إِنَّ فِرْعَوْنَ عَڵا فِی الْأَرْچِ ۆجَعَڵ أَهْڵهَا شِێعًا ێسْتَچْعِفُ گَائِفَەً مِنْهُمْ یُژَبِّحُ أَبْنَا‌وَهُمْ ۆێسْتَحْیِی نِسَا‌وَهُمْ ۚ إِنَّهُ كَانَ مِنَ الْمُفْسِدِینَ) چیرۆكی موساو فیرعەون‌و هەموو پێغەمبەران (علیهم الصلاە والسلام) نمونەی حاشا هەڵنەگرن لەو خەباتەی كە كردویانە بۆ رزگاركردنی مرۆڤ لە چنگی زەروزۆرداران بە درێژای مێژووی مرۆڤایەتی.. پێغەمبەران‌و پیاوچاكان چۆن مرۆڤیان لە خورافات‌و بەندایەتی كردن بۆ دارو بەردو مرۆڤ ڕزگار كردوە، وە پەیوەندییەكی جوان‌و تەندروستیان لەگەڵ خوداوەند بۆ سازداون، هەروەها پەیوەندی مرۆڤ لەگەڵ مرۆڤیشیان پشتگوێ نەخستوە، بەڵكو دووەم پەیامیان لە دوای یەكتاپەرستی دادپەروەری كۆمەڵایەتی بووە، مرۆڤیان ڕزگار كردوە لە چەوساندنەوە بە دەستی مرۆڤ.. ئێستا چی دەگوزەرێت لە كوردستان: دوای هەزاران ساڵ لە هزری دەوڵەتداری لەم سەرزەمینەی عێراق‌و كوردستان كەچی ئێستا لە جیاتی ئەوەی دەوڵەتی ئێمە نمونەی جوانتریت دەوڵەتی دونیا بێت لە ڕووی رێكخراوەی‌و دوری لە گەندەڵی، كەچی 177 هەمین وڵاتە لەو بوارەدا، هەرێمی كوردستانیش وەك بەشێك لە عێراق لەو ڕیزبەندیەدا لە دوای جیبۆتی‌و هاوشێوەی سودان‌و صۆماڵ دێت كە ئەوەش شەرمەزارییەكی گەورەیە بۆ دەسەڵاتدارانی عێراق.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *